Translation of the song די בלײַענע פּלאַטן פֿון ראָמס דרוקערײַ artist Abraham Sutzkever

מיר האָבן װי פֿינגער געשטרעקטע דורך גראַטן

Like fingers reaching out between the bars

צו פֿאַנגען די ליכטיקע לופֿט פֿון דער פֿרײַ

To seize the bright air of freedom

דורך נאַכט זיך געצױגן, צו נעמען די פּלאַטן

We moved through the night to steal

די בלײַענע פּלאַטן פֿון ראָמס דרוקערײַ

The leaden plates of Romm’s Printing Works

מיר, טרױמער, באַדאַרפֿן איצט װערן סאָלדאַטן

Dreamers who had to become soldiers

און שמעלצן אױף קױלן דעם גײַסט פֿונעם בלײַ

We converted spirit of lead into bullets.

און מיר האָבן װידער געעפֿנט דעם שטעמפּל

As once again we lifted the seal

צו עפּעס אַ הײמישער אײביקער הײל

To enter into the shelter of the ancient cave,

מיט שאָטנס באַפּאַנצערט, בײַ שײַן פֿון אַ לעמפּל

Armored with shadow, lit by lamps,

געגאָסן די אותיות – אַ צײל נאָך אַ צײל

We spilled the letters – line after line –

אַזױ װי די זײדעס אַ מאָל אינעם טעמפּל

Just as our forefathers in the Temple

אין גילדענע יום־טובֿ מנורות – דעם אײל

Poured the oil into the festive menorahs.

דאָס בלײַ האָט געלױכטן בײַם אױסגיסן קױלן

By the casting of bullets the lead

מחשבֿות צעגאַנגען – אַן אות נאָך אַן אות

Illumined thoughts – letter after letter melted.

אַ שורה פֿון בבֿל , אַ שורה פֿון פּױלן

One molten line from Babylon, another

געזאָטן געפֿלײצט אין דער זעלביקער מאָס

From Poland, flowed into the same mold.

די ייִדישע גבֿורה , אין װערטער פֿאַרהױלן

Jewish bravery once hidden in words

מוז אױפֿרײַסן איצטער די װעלט מיט אַ שאָס

Must now strike back with shot!

און װער ס’האָט אין געטאָ געזען דאָס כּלי־זײן

Whoever saw this ammunition strapped round

פֿאַרקלאַמערט אין העלדישע ייִדישע הענט

The brave Jewish boys in the ghetto,

געזען האָט ער ראַנגלען זיך ירושלים

Saw Jerusalem struggling for life,

דאָס פֿאַלן פֿון יענען גראַניטענע װענט

The fall of those granite walls.

פֿאַרנומען די װערטער, פֿאַרשמאָלצן אין בלײַען

Whoever understood the fiery words

און זײערע שטימען אין האַרצן דערקענט.

Recognized their voices in his heart.